Английн Кембриджийн их сургуульд төвтэй Олон Улсын намтар судлалын хорооноос Шинжлэх ухааны талбарт гарамгай амжилт үзүүлсэн эрдэмтэдэд олгодог А.Эйнштейны нэрэмжит ОУ-ын шагналыг МУИС-ийн ФЭС-ийн багш, ШУ-ны доктор, профессор, ШУ-ны гавъяат зүтгэлтэн О.Лхагва багшид олголоо...
Энэхүү шагналын талаар мэдээллийг http://en.wikipedia.org/wiki/Albert_Einstein_Award мөн http://www.solarworld-usa.com/about-solarworld/careers-at-solarworld/the-jr-einstein-award.aspx хаягаас дэлгэрэнгүй уншиж болно.
О.Лхагва багш 1970-аад оноос Монголд шавь сургалтыг үүсгэн тасралтгүй хөгжүүлсээр олон эрдэмтэн докторууд төрсөн байдаг. Квант физикийн судалгаанд олон жилийн хөдөлмөрөө зориулсан нь ШУ-аас энэхүү нэр хүндтэй шагналын эзэн болж, МУИС-ийн төдийгүй Монголын улсын эрдэмтдийн нэр хүндийг дэлхийн хэмжээнд өргөсөн хэрэг болов.
Тус шагнал гардуулах ёслол өчигдөр буюу 2010.06.30-ны 15 цагаас МУИС-ийн хурлын танхимд болсон бөгөөд шагналыг МУИС-ийн захирал С.Төмөр-Очир гардуулж, О.Лхагва багшийн шавь нар, ФЭС-ийн багш нар оролцлоо. Мөн ёслолыг телевиз, радио, сонины сэтгүүлчид сурвалжилсан юм...
No comments:
Post a Comment