Квантын болон цөмийн физикийн ололт нь эдүгээ эсийн чандад шинжилгээ судалгааг гүйцэтгэх хүчирхэг зэвсэг болсныг саяхан МУИС-ийн ФЭС-иас зохион байгуулсан “Байгалийн шинжлэх ухаануудын нэгсэхүйн гараа” сэдэвт семинарийн үеэр тавьсан илтгэлүүдээс харж болно. Шинжлэх ухаан, техник, технологийн орчин үеийн ололт амжилтын сэдвээр тал бүрийн эрдэмтэд ном хаялцсан тус семинарит профессор О.Лхагвын тавьсан илтгэл олон хүний анхаарлын төвд байв.
Тэрбээр эмчилгээ, оношилогоог эсийн төвшинд хийж, удамшлын ДНК молекулын генийн мэдээлэлд тулгуурласан биокомпьютер нийтийн хэрэглээнд гарах цаг холгүй дөхөж ирснийг хэлээд, эрдэм хөгжөөд эсийн чанадад ийнхүү нэвтрэх аваас биологи, хими, физик, хүн ба мал эмнэлэг хэмээн жожгирхолгүй нийлэн зүтгэхийн чухлыг дурдав. Түүнчлэн тал талаас хүч, боломжоо хавсаргавал Цөмийн шинжилгээний нэгдсэн институтын радиацийн биологийн лабораторитой генийн бүтэц, хувирлын судалгаанд цацрагийн болон цèòîгåíийн аргыг хэрэглэх, хатуу бие, тунамал орчныг цацрагаар шарж судлах, биологийн хувирал болон бодис- цацрагийн үйлчлэлцлийн математик загварчлалыг хамтран боловсруулах судалгаа хийх, их сургуулиудын бакалавр, магистр, докторын сургалтад олон атомт молекул, олон молекулт биежлийн квант бүтцийн онол, туршлагын орчин үеийн шилдэг арга зүйг нэвтрүүлэх таатай боломж байгаа тухай ярилаа.
Жил бүр сонирхолтой эрдэмлэг илтгэлүүд хэлэцүүлдэг тус семинарийн ач холбогдол нь шинжлэх ухаан, технологийн дэвшлийн галын шугам дээр тулалдах мэрэгжилтэн бэлтгэх их сургуулиудын зорилго нэгэн чиг байх нь зүйтэй юм гэдэгт эрдэмтэд санал нэгдсэнд оршиж байна.
Семинарит ШУТИС, ХААИС, ШУА, Физик-техникийн хүрээлэн мөн цөмийн цацрагийг биологи, анагаах, ухаан хөдөө аж ахуйд хэрэглэж буй олон эрдэм шинжилгээ, сургалтын байгууллагын эрдэмтэн судлаачид, багш, оюутан нийт 250 гаруй хүн оролцов.
Мэдээний URL: http://www.num.edu.mn/Default.aspx?tabid=58&ctl=Details&mid=899&ItemID=483
